Тăван ҫĕршывăн Аслă вăрҫинче ҫĕнтерӳ тунăранпа 75 ҫул ҫитрĕ. Аслă Çĕнтерӳ кунне халалласа кашни ҫулах ялсенче уяв ячĕпе митингсем иртетчĕҫ. Анчах та, кăҫал ҫак мура пула, эпир «Вилĕмсĕр полк» акцие пĕрле пуҫтарăнаймастпăр. Çавах та Тĕмерти вăтам шкулти 2-мĕш класра вĕренекен ачасем пирĕн телейлĕ пуласлăхшăн пуҫĕсене хунă паттăрсене, хăйсен аслашшĕсене, мăн асламăшĕсене нихăҫан та манмаҫҫĕ. Вĕсем онлайн мелĕпе «Вилĕмсĕр полк» акцие хутшăнаҫҫĕ. Çак йăла-йĕркене пирĕн ачасемпе мăнуксем, мăнуксен ачисем те малалла тытса пырасса ҫирĕп шанса тăратăп. Пирĕн Тăван Çĕршыв ҫийĕнчи тӳпе яланах уяр пултăр. Уяв ячĕпе пурне те!