Тăван тăрăхăмăр талантлă ҫынсемпе пуян. Вĕсенчен пĕри – иртнĕ ĕмĕрте пурăннă, чăваш халăх профессионаллă  музыка культурине аталантарма пысăк  тÿпе хывнă паллă композитор, педагог тата дирижер Василий Петрович Воробьев.  Вăл -  пирĕн ентеш, Эльпуҫĕнче хресчен ҫемйинче 1887 ҫулхи мартăн 19- мĕшĕнче ҫуралнă. Василий Петрович Воробьев  ҫуралнăранпа 130 ҫул ҫитрĕ. Пархатарлă ҫыннăн сумлă ĕҫĕсем  ҫинчен сăмах пычĕ 7-9 классенче ирттернĕ таврапĕлÿ сехетĕнче. Воробьев В.П. чăваш халăх хорне пуҫарса яраканĕсенчен пĕри, вăл 800 яхăн чăваш халăх юррисене ҫырса илнĕ, вĕсенчен 200 юррине хор валли илемлетнĕ. Калаҫу вăхăтĕнче  чăваш чĕлхипе литературине вĕрентекен Шашкова С.Л. ачасене  «Композиторы Воробьевы» кĕнекепе паллаштарнă  тата презентаципе усă курнă.