Тĕмер шкулĕнче вĕренекенсем Тăвайри Михаил Архангел ячĕллĕ чиркỹре час-часах пулаççĕ. Хальхинче те Р.А.Ивановапа В.В.Мюресова ертсе пынипе тăваттăмĕшпе иккĕмĕш классен ачисем килсе курчĕç. Николай атте ачасене ăшă кăмăлпа кĕтсе илчĕ. Служба хыççăн ывăннă пулин те чылайччен калаçрĕ пĕчĕкскерсемпе. 4-мĕш класра вĕренекенсем православи культури çинчен вĕрентекен уроксенче илнĕ пĕлĕвĕсене çирĕплетрĕç (учителĕ Р.Иванова).

Иккĕмĕшсемшĕн вара нумайăшĕ çĕнĕлĕх пулчĕ. Вĕренекенсем сывлăхшăн çуртасем çутрĕç, хăйсен ячĕллĕ пĕчĕк турăшсем туянчĕç. Пачăшкă ачасене яланах таса чунлă пулма, ырă ĕçсем çеç тума, аслисене, вĕрентекенсене хисеплеме, Турра яланах асра тытма, ăна юратма, шанма сĕнсе пил пачĕ, вĕренỹре ăнăçусем сунчĕ.