Шкул ачисен чăваш чĕлхипе унăн культурине вĕренес  туртăмне ÿстерес, чĕлхе пĕлĕвĕнче пултаруллисене тупса палăртас тĕллевпе темиçе çул  хушши ĕнтĕ районта «Туслăх хĕлхемĕ» фестиваль иртет.  Çак  конкурса Тĕмер шкулĕнче вĕренекенсем хастар хутшăнаççĕ, хăйсен пĕлĕвне, пултарулăхне пур енлĕн кăтартса малти вырăнсене йышăнаççĕ.  2013 çулхи фестивале те 9-мĕш класра вĕренекен Автономова Екатеринăпа Петрова Екатерина хутшăнчĕç. Автономова Катя «И.А.Андреев-чăваш учебникĕсен авторĕ» темăпа тĕпчев ĕçĕ çырса «Чăваш тĕнчи» мультимедиллĕ презентаци хатĕрленĕ. Унăн ĕçĕ районта  2-мĕш вырăн йышăнчĕ. Петрова Катя вара  Çеçпĕл  Мишшин «Хĕрлĕ тинĕсре» сăвви тăрăх  ÿкерчĕк туса «Шевле» конкурсра 3-мĕш вырăна тивĕçрĕ. Çĕнтерÿçĕсене саламлатпăр. Малашне тата пултаруллăрах пулма ăнăçусем  сунатпăр.