Чăваш халăхне çутта кăларакана, чăвашăн çырулăхне пуçарса яракана, И.Я. Яковлевăн ырă ятне, ĕçĕсене сума суса шкулта кашни çулах чăваш чĕлхипе литература эрни иртетет.  Эрнере ирттернĕ ĕçем ачасен пĕлÿ шайне, тавракурăмне анлăлатма пулăшаççĕ.

  5-7 классем хушшинче «И.Я. Яковлев – чăвашсен патриархĕ» темăпа ирттернĕ викторина ачасем чăнахах та аслă çыннăмăр çинчен нумай вуланине кăтартса пачĕ.

  5-мĕш класра вĕренекенсемпе Т. Петĕркки çырнă «Кушкă ачи» повеçĕ  тăрăх вулав конференцийе иртрĕ. Ачасене И.Я. Яковлев пурнăçĕпе çыхăннă  паллă самантсене  пĕлме питĕ интереслĕ  те кăткăс пулни палăрчĕ.

  9, 10-мĕш классенче вĕренекенсем «Чăваш чĕлхин малашлăх шăпи» ятпа ăслав сочиненийĕ çырчĕç. Хăйсен сочиненийĕсенче ачасем тăван чĕлхе пурнăçра мĕнле вырăн йышăнни, ăна упраса хăварсси çинчен çырса чун ыратăвĕсене  уçса пачĕç.